Список Державной иконы Божией Матери

2 марта/15 марта, Русская Православная Церковь чтит величайший чудотворный образ Пресвятой Богородицы и Приснодевы Марии, именуемый «Державная».

Молитвы

Тропарь Божией Матери пред иконой Ее Державной

глас 4

Града Сионска взыскующе,/ под Твой покров, Дева Чистая, днесь притекаем,/ и никтоже возможет на ны,/ яко несть град силен, аще не Сущаго Бога,/ и несть ина крепость, аще не милость Владычицы Девы.

Ин тропарь Божией Матери пред иконой Ее Державной

глас 4

Ангелов лицы благоговейно Тебе служат,/ и вся Небесныя силы немолчными гласы Тя ублажают,/ Богородице Дево,/ усердно молим Тя, Владычице:/ да пребудет Божественная благодать/ на честней иконе Твоей Державней,/ и светозарный луч славы чудес Твоих да нисходит от ней/ на всех, с верою Тебе молящихся/ и вопиющих Богу: аллилуйя.

Кондак Божией Матери пред иконой Ее Державной

глас 8

Взбранной Воеводе победительныя песни приносим,/ яко даровася нам Держава Твоя, и ничесоже устрашимся,/ не от мира бо спасение наше,/ но Превознесенный Владычицы милосердием ограждаемся/ и тому днесь радуемся,/ яко прииде Заступница на стражу земли Своей.

Ин кондак Божией Матери пред иконой Ее Державной

глас 8

Взбранней Воеводе, Заступнице нашей Державней,/ песни благодарственный приносим о даровании нам иконы Ея святыя,/ еюже ограждаемы, ничесоже устрашимся,/ не от человек бо спасение наше,/ но Преблагословенныя Владычицы милосердием./ Темже днесь радуемся и празднуем светло,/ яко прииде Державная на стражу земли Своей.

Ин кондак Божией Матери пред иконой Ее Державной

глас 8

Избранной от всех родов Заступнице рода христианскаго,/ покровом Своей благости покрывающей страну нашу православную,/ благодарственныя пения приносим Ти, Владычице,/ о явлении нам чудныя иконы Твоей Державныя./ Ты же, ико Всемилостивая Заступница всех, с верою к Тебе притекающих,/ от всяких нас бед свободи, да зовем Ти:/ радуйся, Матерь Божия Державная,/ Заступнице Усердная рода христианскаго.

Молитва

О Державная Владычице, Пресвятая Богородице, на объятиих Своих держащая Содержащаго дланию всю вселенную, Царя Небеснаго! Благодарим Тя за неизреченное милосердие Твое, яко благоволила еси явити нам, грешным, сию святую чудотворную икону Твою во дни сии. Благодарим Тя, яко призрела еси с высоты святыя Своея на чад православных, и, яко солнце светлое, увеселяеши ныне изнемогший от печали очеса